انا جايبه لكو وصفه تتبيله تنفع للفراخ المشويه واستيك الفراخ
وهى وصفه انا اللى بعملها ومجرباها وجامده جدا
اتمنى انها تنال اعجابكو
المقادير:
_ معلقه ملح
_معلقه فلفل أسمر
_معلقه زعتر
_ معلقه قرفه
_معلقه كركم
_رشه من جوزه الطيب
_زيت
_بصله مفريه
_طماطم مفريه
_وقرن قلقل اخضر
الطريقه:
اخلطى المقادير كلها مع بعض
وهاتى الفرخه واحشيها بالخلطه ودخلى من تحت الجلد عشان تتشربها كويس
بعد كده سيبيها ساعتين فى التلاجه عشان تتشرب الخلطه كويس
تكونى سخنتى الفرن او الميكرويف على حراره 260 لمده 60 دقيقه على الشبكه
ومن وقت للتانى تقلبيها وبعد متستوى كويس تولعى عليها الشوايه العلويه عشان
تاخد لون الفراخ المشويه
وبالهنا والشفا
ابقو قولولى على النتيجه
موضوع: طريقة الفراخ المشوي 
الإثنين أغسطس 31, 2009 2:28 am
